OLIMPBET-Қазақстан чемпионатының екінші турында "Тараз" өз алаңында "Ордабасыны" қабылдап, 3:2 есебімен қиын жеңіске жетті.

 

Алаң иелері құрамында қиындықтар орын алды, біршама легионер жарақат алып қалды. Алғашқы минуттан жергілікті бес ойыншы алаңға шығып, жеңіске көп үлесін қосты. Көпшілік күткендей, алаң иелері тас-қамал қорғанысқа кетпей, қарсыласқа алаңның әр бұрышында төтеп берді. Допқа иелік етіп, мұқият шабуыл жасаған тараздықтар көп ұзамай есеп ашты. Тони Сильваның айып алаңына асырған добын Александр Симчевич өз қақпасына кіргізіп алды — есеп 1:0.

Бірінші таймның өзінде алаң иелері екінші голын соқты. Тони Сильваның бұрыштамадан допты көтеріп еді, тағы автогол орын алды — Александр Клещенко допты өз еншісіне жазды, 2:0.

Екінші таймның басында Тони Сильваның жойқын соққысы қақпа бағанына тиіп, кейін серпілген допты Абзал Таубай қақпаға енгізіп, есепті 3:0-ге жеткізді.

Дегенмен, қонақтар есепке қарамастан, үлкен күшпен алға ұмтылды. Көп ұзамай Михаил Мищенконың қолына доп тиіп, төреші пенальти белгіледі. Абдулай Диакатенің добын Джурахон Бабаханов қайтарғандай болып еді, бірақ сызықтан асып, қақпаға кірді — 3:1.

Араға уақыт салып, екінші пенальти орын алды — Мищенко қарсыласты шалып шығып, қызыл қағаз алды, Диакате Бабахановтан айласын асырды.

Дегенмен, тараздықтар жеңісті есепті ұстап тұра алды. 3:2 — "Тараздың" жоспарланбаған үзіліс алдындағы маңызды жеңісі.

"Тараз" КФК баспасөз қызметі

 


Joomla SEF URLs by Artio

БАСҚА ЖАҢАЛЫҚТАР

22/05/2020 | Көргендер саны:27 | КЛУБ ЖАҢАЛЫҚТАРЫ

Аюб Бацуев: Футболды қатты сағындым

"Тараз" ойыншысы карантин мен команданың мақсаты туралы

08/05/2020 | Көргендер саны:19 | КЛУБ ЖАҢАЛЫҚТАРЫ

Тони Сильва: Футболды сағынып үлгердім

"Тараздың" легионері Instat сараптамалық компаниясының тұжырымы бойынша ел біріншілігінің екі турындағы үздік ойыншы атанды. Алаңда көп қызмет атқарып, "Ордабасы" қақпасына соғылған үш голға да зор үлесін қосты. Ол бүгін клубтың баспасөз қызметінің сұрақтарына жауап бермек.

16/03/2020 | Көргендер саны:129 | КЛУБ ЖАҢАЛЫҚТАРЫ

Джурахон Бабаханов: Жанкүйерлер үшін ойнадық.

"Тараз" қақпашысы "Ордабасыға" қарсы матч туралы өз пікірін білдірді:

16/03/2020 | Көргендер саны:126 | КЛУБ ЖАҢАЛЫҚТАРЫ

Тони Сильва: Барлық жігіттер үздік атағына лайық

"Тараз" шабуылшысы матчтың үздік ойыншысының бірі атанды. Аталмыш футболшының үш соққысынан кейін доп қақпадан табылған еді.

г. Тараз, ул. Абая, 113

+7(7262) 45 36 59, fc_taraz@mail.ru

© 2020 | ФУТБОЛЬНЫЙ КЛУБ "ТАРАЗ"