«Қайсар» - «Тараз»: матч алдында

 

1 шілде күні ұзақ үзілістен кейін қайта жанданған Olimpbet футболдан Қазақстан чемпионатының кезекті туры аясында «Тараз» сырт алаңда қызылордалық «Қайсар» клубымен кездеседі.

Сыр елінің командасы «Тараз» үшін тегеурінді қарсылас болғалы тұр. «Қайсар» біріншілік басында 2 тур өткеріп, екеуінде де жеңіске жетті. Дегенмен, бір матчтың қорытындысы есепке алынбады. Себебі, екі жеңістің бірі чемпионаттан шет қалған «Ертіс» клубынан болатын.

Чемпионаттың мәжбүрлі түрде тоқтатылған кезеңінде негізгі құрамның бірнеше ойыншысынан айрылып қалды. Олар – қақпашы Александр Григоренко, қорғаушы Алексей Шумский және жартылай қорғаушы Иван Пешич. Алайда тәжірибелі бірқатар өзге де ойыншылар жеткілікті. Мәселен, Асхат Тағыберген, Александр Колев, Режинальдо, Элгуджа Лобжанидзе секілді сақа ойыншылар командаға көмектесуге қауқарлы.

Осы бір үзіліс кезінде «Қайсар» бірінші лига командасы «Байқоңырмен» екі жолдастық кездесу өткізіп, нәтижелі жеңіске қол жеткізе алды. Таблода 9:0, 5:3 есептері тіркелген болатын.

Тараздық команда да бірнеше жолдастық матчтар өткізді. Атап айтқанда, алматылық «Қайратпен» қос кездесу болды. Бірінде тең тарқасса (2:2), бір кездесу 0-1 есебімен алматылықтардың пайдасына аяқталды. Жуырда ғана тағы бір тегеурінді команда шымкенттік «Ордабасымен» ойнап, қарсыластар жеңімпазды анықтай алмай тарқасты (1:1). Бұл көрсеткіштер біздің команданың «оңай шағылатын жаңғақ» емес екендігін байқатты.

Қазіргі кезде «Тараз» командасының қоржынында 3 ұпай бар. Чемпионат басында «Ордабасыны» 3:2 есебімен тізе бүктірген болатын. Жалпы команда негізгі құрамын сақтап қалды және біріншіліктің қайта жандануына толықтай дайын.

«Тараз» КФК баспасөз қызметі

 


Joomla SEF URLs by Artio

БАСҚА ЖАҢАЛЫҚТАР

03/12/2020 | Көргендер саны:48 | КЛУБ ЖАҢАЛЫҚТАРЫ

КӨҢІЛ АЙТУ

«Тараз» футбол клубы футбол ардагері Амангелді Нұрымбетовтың қайтыс болуына байланысты отбасы мен жақындарына қайғырып, көңіл айтады.

02/12/2020 | Көргендер саны:92 | КЛУБ ЖАҢАЛЫҚТАРЫ

«Тараз» ҚПЛ-дің қос чемпионын қапы қалдырды

«Тараз» биыл ҚПЛ-дің қос чемпионын да қапы қалдырды. «Астана» мен «Қайратты» жеңген жамбылдық команда біріншілік қорытындысы бойынша турнир кестесінде сегізінші орынға тұрақтады.

22/10/2020 | Көргендер саны:85 | КЛУБ ЖАҢАЛЫҚТАРЫ

Джорахон Бабаханов: Командадан, барлық жанкүйерлерден кешірім сұраймын

«Тараз» қақпашысы «Қызылжар» командасымен ойында сәтсіз өнер көрсетіп, қарсыластың гол соғуына мүмкіндік беріп қойған болатын. Клубтың баспасөз қызметіне сол сәт туралы пікірімен бөлісті.

22/10/2020 | Көргендер саны:81 | КЛУБ ЖАҢАЛЫҚТАРЫ

МАҢЫЗДЫ МАТЧТА КЕТКЕН ЕСЕ

Ел чемпионатының кезекті турында «Тараз» петропавлдық «Қызылжарға» есе жіберді – 0:1

г. Тараз, ул. Абая, 113

+7(7262) 45 36 59, fc_taraz@mail.ru

© 2021 | ФУТБОЛЬНЫЙ КЛУБ "ТАРАЗ"