КЛУБ ЖАҢАЛЫҚТАРЫ

Жуырда 2021 жылғы футбол маусымындағы Қазақстан Премьер лигасы мен кубоктық кездесулерінің күнтізбесі жарияланған болатын. Соған сәйкес, «ТАРАЗ» алғашқы турдағы матчты 14 наурыз күні сырт алаңда қызылордалық «ҚАЙСАРҒА» қарсы өткізеді. Ал өз алаңындағы кездесу 19 наурызға тура келеді. Петропавл қаласының «ҚЫЗЫЛЖАР» командасымен жасыл алаңда жолығады.
Бұл матч Орталық стадионда өтеді деп жоспарлануда. Қосылқы алаң ретінде «Жастар» стадионы таңдалған. Ойындар кестесінің толық нұсқасы клубтың ресми сайтында жарияланады.

Оқу-жаттығу жиындары барысында «Тараз» кезекті рет жолдастық матч өткізді. Бұл жолы Азия чемпиондар лигасы матчтарына дайындалып жатқан Тәжікстан чемпионатының жеңімпазы Душанбе қаласының «Истиклол» командасымен кездесті.

Матчтың бірінші таймында іс жүзінде байқап көру үшін «Тараз» жастарды алаңға шығарды. Ойын басында қарсылас команда қорғаныстағы қателікті қалт жібермей есеп ашты. Жамбылдықтар жылдам ес жиып, бірқатар шабуылдар ұйымдастыра алды. Шабуылдардың бірінші бұрыштама болып, әуедегі допқа бірінші жеткен Берік Айтбаев таразы басын теңестірді.
Екінші таймда «Тараз» бапкерлері негізгі құрам ойыншылары болуы мүмкін деген футболшыларды алаңға шығарды. Алайда қақпаны жергілікті жас ойыншы Станислав Щербаков қорғады.
Алма-кезек шабуылдардың бірінде ойын ережесі бұзылып, «Тараз» қақпасына белгіленген 11 метрлік айып добын сәтті орындаған «Истиклол» футболшысы Рустем Соиров тәжік командасын алға шығарды. Дегенмен, матчтың 82 минутында Обилор мен Коджаның жақсы ұйымдастырған шабуылы нәтижесінде Педро Эуженио ұрымтал тұсты пайдаға жарата алды. Қорытынды есеп 2:2

«Тараз» КФК баспасөз қызметі

Фото: "Истиклол" ФК 

Түркиядағы оқу-жаттығу жиындары барысында «Тараз» клуб құрылымына қарасты футбол орталығы менр «Тараз-2» жастар командасының бірқатар ойыншыларымен келісім-шарт жасады. Атап айтқанда, Еркебұлан Тойбеков, Жалғас Жақсылықов, Айбек Өксікбаев, Ерсұлтан Қалдыбеков, Елисей Горшунов және Станислав Щербаков негізгі құрамның жейдесінде өнер көрсетпек.

Клуб жетекшісі Талғат Тұрлыбайұлы жоғарыда аталған ойыншылардың бұл кәсіби тұрғыдағы тұңғыш келісім шарттары екенін жеткізді. – Осы жігіттер маусым алдындағы жиындарда өткен кездесулерде өздерін жақсы қырынан көрсете алды. Психологиялық тұрғыда жоғары деңгейдегі ойындарға қатысуға дайын. Біздің клуб осы келісім шарттарды жасау арқылы өз тәрбиеленушілерін қатарға қосуды, негізгі құрамға тартуды жалғастырып отыр. Премьер лига ойындарына қатысып, тәжірибе жинақтап, келешекте шебер ойыншылардың қатарынан көрінетініне сенімім мол, - деді клуб жетекшісі.

«Тараз» КФК баспасөз қызметі

Бүгін "Тараз" футбол клубы бірнеше ойыншымен келісім шарт жасады. Олардың бәрі де жамбылдық футбол мектебінің талантты түлектері.

"Тараз" футбол клубы ұжымы Жаңатас қаласында болған қайғылы оқиғаға байланысты қайтыс болған сәбилердің ата-анасы мен жақындарына көңіл айтады. Періштедей балапандардың жаны пейіште болсын. Естіген жанның жүрегі езілетін мұндай оқиғадан аман болайық, сақ жүрейік, ағайын!

Тараз футбол клубы Жамбыл футболының ардагері Коскиниди Христофор Георгиевичтің дүниеден озғанын хабарлайды, туыстары мен жақындарына қайғырып көңіл айтады.

Бүгін келісім шарттың кейбір тұстары тағы талқыланып бекітілді. Сонымен армениялық маман Вардан Минасян "Тараз" футбол клубының ресми түрде бас бапкері болды.

«Тараз» футбол клубы футбол ардагері Амангелді Нұрымбетовтың қайтыс болуына байланысты отбасы мен жақындарына қайғырып, көңіл айтады.

«Тараз» биыл ҚПЛ-дің қос чемпионын да қапы қалдырды. «Астана» мен «Қайратты» жеңген жамбылдық команда біріншілік қорытындысы бойынша турнир кестесінде сегізінші орынға тұрақтады.